Hot Topic.. పొలిటికల్ ప్రత్యర్థులు క్రికెట్ ప్లేయర్స్‌గా మారి..(వీడియో)
దిశ. జగిత్యాల : ఏడేళ్లుగా వారిద్దరు రాజకీయ ప్రత్యర్థులే.. ప్రత్యక్ష్య ఎన్నికల్లో వారు ప్రతీకారం తీసుకున్న వారే. కానీ వారిద్దరు కలిసి క్రికెట్ ఆడారు. ఇద్దరు రాజకీయ ప్రత్యర్థులను క్రికెట్ కలిపింది. ఇంతకీ ఆడిందెవరో తెలుసుకోవాలంటే మీరు ఈ స్టోరీ చదవాల్సిందే.
జగిత్యాల రాజకీయ ముఖ చిత్రంలో ఎమ్మెల్సీ జీవన్ రెడ్డి, ఎమ్మెల్యే సంజయ్‌లు రాజకీయ బద్ద శత్రువులు. 2014 ఎన్నికల్లో సంజయ్‌పై తాటిపర్తి జీవన్ రెడ్డి గెలుపొందగా, 2018 ఎన్నికల్లో జీవన్ రెడ్డిపై డాక్టర్ సంజయ్ గెలిచారు. తరుచూ ఆరోపణలు కౌంటర్లు ఇచ్చుకునే వీరిద్దరూ ఆదివారం జిల్లాలోని రాయికల్‌లో క్రికెట్ ప్లేయర్లుగా మారిపోయారు. రాయికల్ పట్టణంలో రాయికల్ క్రికెట్ లీగ్‌ను ప్రారంభించారు. మ్యాచ్ స్టార్ట్ చేసే క్రమంలో ఎమ్మెల్సీ జీవన్ రెడ్డి బౌలింగ్ చేయగా, ఎమ్మెల్యే సంజయ్ కుమార్ బ్యాట్‌ను ఝులిపించారు. పొలిటికల్ వైరుద్యం ఉన్న నాయకులు ఇద్దరు క్రికెట్ ఆడటం జిల్లాలో హాట్ టాపిక్ గా మారింది.
