ఆ ఆడబిడ్డలకు… కేసీఆర్ మేనమామ

దిశ ప్రతినిధి, మేడ్చల్: పేదింటి ఆడబిడ్డలకు సీఎం కేసీఆర్ సొంత మేనమామలా ఆదుకుంటున్నారని రాష్ట్ర కార్మిక శాఖ మంత్రి చామకూర మల్లారెడ్డి అన్నారు. సోమవారం మేడ్చల్ నియోజకవర్గంలోని జవహర్‌నగర్ మున్సిపల్ కార్పొరేషన్ పరిధిలో 31 మంది లబ్దిదారులకు కల్యాణలక్ష్మీ చెక్కులను పంపిణీ చేశారు.

అనంతరం ఈ సందర్భంగా మంత్రి మల్లారెడ్డి మాట్లాడుతూ… రాష్ట్రంలోని పేద కుటుంబాల్లో, ఆడ పిల్లల పెళ్లిళ్లు భారం కాకుండా సీఎం కేసీఆర్ కృషి చేస్తున్నారని తెలిపారు. ఆడబిడ్డల వివాహాలకు ఆర్థికంగా ఆదుకొని అండగా నిలుస్తున్నారని అన్నారు.