అన్నదాత ఇంట సిరుల వర్షం కురవాలి : మంత్రి కొప్పుల

దిశ, జగిత్యాల: జగిత్యాల జిల్లా గొల్లపల్లి మండలం మల్లన్నపేట గ్రామంలో వెలసిన మల్లన్న స్వామి ఉత్సవాలు ఘనంగా జరుగుతున్నాయి. ఆదివారం ఆలయ అభివృద్ధి కార్యక్రమంలో భాగంగా రూ.50 లక్షల వ్యయంతో నూతనంగా నిర్మించిన దేవాలయ రాజగోపురాన్ని మంత్రి కొప్పుల ఈశ్వర్ ప్రారంభించారు. అనంతరం మల్లన్న స్వామిని దర్శించుకొని ప్రత్యేక పూజలు చేశారు. అనంతరం మంత్రి నిలువెత్తు బంగారం(బెల్లం) స్వామికి చెల్లించి మొక్కులు తీర్చుకున్నారు. ఈ సందర్భంగా మంత్రి కొప్పుల మాట్లాడుతూ.. రాష్ట్ర ప్రజలు ఆయురారోగ్యాలు, సుఖ సంతోషాలతో ఉండాలని, అందరికీ సకల శుభాలను ప్రసాదించాలన్నారు. పాడి పంటలు సమృద్ధిగా పండి అన్నదాత ఇంట సిరుల పంట కురవాలని కోరుకున్నారు. రాష్ట్ర ప్రభుత్వం రాష్ట్రంలోని ఆలయాలకు ప్రత్యేక నిధులు మంజూరు చేస్తోందని అందులో భాగంగానే మల్లన్న ఆలయ రాజగోపురానికి రూ.50 లక్షల నిధులు మంజూరు చేశామన్నారు.