చుక్కా రామయ్యకు పాదాభివంద‌నం చేసిన మంత్రి ఎర్రబెల్లి
దిశ, అంబర్‌పేట్: ప్రముఖ విద్యావేత్త, మాజీ శాసనమండలి సభ్యుడు చుక్కా రామయ్యను రాష్ట్ర పంచాయ‌తీరాజ్‌ శాఖ మంత్రి ఎర్రబెల్లి దయాకర్ రావు హైద‌రాబాద్‌లోని విద్యాన‌గ‌ర్‌లో ఆయ‌న నివాసంలో క‌లిసి పుట్టినరోజు శుభాకాంక్షలు తెలిపారు. చుక్కా రామయ్యకు పాదాభివంద‌నం చేసి, శాలువాతో స‌త్కరించారు. ఈ సంద‌ర్భంగా మంత్రి ఎర్రబెల్లి దయాకర్ రావు మాట్లాడుతూ.. చుక్కా రామ‌య్య భూస్వామ్య వ్యవస్థకు వ్యతిరేకంగా పోరాటం చేశారని అన్నారు. నిజాం, రజాకార్లకు వ్యతిరేకంగా పోరాడి జైలుకు వెళ్లాడని గుర్తుచేశారు. ఐఐటీ శిక్షణా కేంద్రాన్ని ప్రారంభించి అనేకమంది విద్యార్థులకు శిక్షణ ఇచ్చారని తెలిపారు. ఉమ్మడి రాష్ట్రంలో 2007లో ఎమ్మెల్సీగా రాజకీయంగా అనేక సేవలు అందించారని కొనియాడారు. రామ‌య్య ఆరోగ్యంగా ఉండాల‌ని, ఆయ‌న‌కు సుదీర్ఘ జీవితం ల‌భించాల‌ని ఎర్రబెల్లి ఆకాంక్షించారు.
Advertisement
Next Story
