తమిళనాడులో భారీ పేలుడు

దిశ, వెబ్‎డెస్క్ :
తమిళనాడు రాష్ట్రంలోని నామక్కల్ జిల్లా పల్లిపాలయాళంలో భారీ అగ్ని ప్రమాదం చోటు చేసుకుంది. బాణసంచా నిల్వ ఉంచిన ఇంట్లో పేలుడు సంభవించింది. పేలుడు ధాటికి ఐదు ఇళ్లు ధ్వంసమయ్యాయి. అమ్మకానికి ఉంచిన క్రాకర్స్ ఒక్కసారిగా పేలడంతో మంటలు ఎగసిపడ్డాయి. ఈ ఘటనలో ఇద్దరు మృతి చెందగా.. నలుగురికి తీవ్ర గాయాలయ్యాయి. క్షతగాత్రులను స్ధానిక ప్రభుత్వాస్పత్రికి తరలించారు. ఘటనాస్థలికి చేరుకున్న అగ్నిమాపక సిబ్బంది మంటలను అదుపు చేశారు. కేసు నమోదు చేసిన పోలీసులు దర్యాప్తు చేపట్టారు.