బోల్డ్ బ్యూటీకి కారు విక్రయించలేమన్న బ్రాండెడ్ కంపెనీ?

దిశ, సినిమా : బాలీవుడ్‌‌ సినిమాల్లో బోల్డ్ క్యారెక్టర్స్‌ పోషించిన మల్లికా షెరావత్ సెక్స్ బాంబ్‌గా గుర్తింపు పొందింది. రీసెంట్‌గా ఓ చాట్ షోలో పాల్గొ్న్న ఈ ఐటెం గర్ల్.. రోల్స్ రాయ్స్ కంపెనీ తనకు కారు విక్రయించేందుకు నిరాకరించిందన్న రూమర్స్‌‌పై స్పందించింది. ఈ విషయాన్ని హాస్యాస్పదంగా కొట్టిపారేసింది. తనపై కావలసినన్ని గాసిప్ ఐటమ్స్ ఉన్నాయని వివరించింది. ఈ మేరకు ‘గాసిప్ కాలమ్స్’ రాస్తూ జర్నలిస్టులుగా చెలామణి అవుతున్నవారిని అమ్మడు విమర్శించింది.

పర్టిక్యులర్‌గా ఒక జర్నలిస్టు తనను టార్గెట్ చేశాడని, తనకు అనుకూలంగా వార్తలురాస్తే, గిఫ్ట్స్ ఇచ్చేందుకు నిరాకరించినందుకే ఇలాంటి గాసిప్స్ క్రియేట్ చేస్తున్నాడని ఆమె తెలిపింది. పాట్నాలో నివసించే సదరు పాత్రికేయుడు.. తన గురించి ఎప్పుడూ నాన్సెన్స్‌ అండ్ ఫేక్ వార్తలే రాస్తాడని మల్లిక చెప్పుకొచ్చింది. అసలు ఏదైనా కార్ల కంపెనీ కస్టమర్‌కు కారు విక్రయించకుండా ఉంటుందా? అని ప్రశ్నించింది.