‘ఆచార్య’ చిరంజీవితో ‘శ్రీమంతుడు’
సూపర్ స్టార్ మహేష్‌బాబు … సంక్రాంతికి ‘సరిలేరు నీకెవ్వరు’ బ్లాక్ బస్టర్ హిట్‌ కొట్టాడు. తర్వాత డైరెక్టర్ వంశీ పైడిపల్లితో సినిమా చేయాలని నిర్ణయించుకున్నా… స్క్రిప్ట్ వర్క్ పూర్తి కాకపోవడంతో ఆ సినిమాను తాత్కాలికంగా వాయిదా వేసి మరిన్ని కథలు వింటున్నాడు. డైరెక్టర్ పరశురాంతో నెక్స్ట్ మూవీ చేసే ఛాన్స్ ఉందని వార్తలు కూడా వస్తున్నాయి. ఇదిలా ఉంటే అటు అనిల్ రావిపూడి ‘F3’.. ఇటు మెగాస్టార్ చిరంజీవి 152వ సినిమా ‘ఆచార్య’లోనూ కీలక పాత్రల్లో నటిస్తున్నాడనే న్యూస్ ఫిల్మ్ నగర్‌లో హల్ చల్ చేస్తుంది.
ఈ క్రమంలోనే చిరు 152కు మహేష్ గ్రీన్ సిగ్నల్ ఇచ్చినట్లు తెలుస్తోంది. అతిథి పాత్రలో నటించేందుకు హామీ ఇచ్చాడని సమాచారం అందగా…. డైరెక్టర్ కొరటాల శివ త్వరలోనే సినిమాకు సంబంధించిన కథ వినిపిస్తాడని తెలుస్తోంది. నిర్మాతగా వ్యవహరిస్తున్న మెగా పవర్ స్టార్ రామ్ చరణ్ తేజ్ 30 నిమిషాల నిడివి ఉన్న పాత్ర కోసం మహేష్‌కు రూ.35 కోట్లు రెమ్యునరేషన్ ఇచ్చేందుకు అంగీకరించారట. చిత్రంలో మహేష్ నక్సలైట్ పాత్రలో కనిపిస్తుండగా.. సినిమాను దసరాకు విడుదల చేసేందుకు ప్లాన్ చేస్తోందట చిత్ర యూనిట్. సరిలేరు నీకెవ్వరు ప్రీ రిలీజ్ ఈవెంట్‌కు హాజరై సినిమాను సపోర్ట్ చేశాడు చిరు. అందుకు గాను మహేష్ ఇలా కృతజ్ఞతలు తెలుపుకుంటున్నాడని అంటున్నారు ఫ్యాన్స్.
Read also..
