ఇండియన్ – 2 ఆగదు..

ఇండియన్ -2 .. కమల్ హాసన్ హీరోగా శంకర్ దర్శకత్వంలో తెరకెక్కుతున్న సినిమా. బ్లాక్ బస్టర్ హిట్ గా నిలిచిన భారతీయుడు మూవీకి సీక్వెల్. లైకా ప్రొడక్షన్స్ నిర్మిస్తున్న ఈ చిత్రం ప్రారంభం అయినప్పటి నుంచి ఏదో ఒక ఆటంకం ఎదురవుతూనే ఉంది. చెన్నైలో సినిమా షూటింగ్ స్పాట్ లో జరిగిన ప్రమాదం ముగ్గురిని బలితీసుకోగా.. అటు డైరెక్టర్, ఇటు హీరో, నిర్మాణ సంస్థలను పోలీసులు విచారించారు. అసలు ఎలాంటి జాగ్రత్తలు తీసుకోకుండా షూటింగ్ జరపడం వల్లే ప్రమాదం జరిగిందని కేసు నమోదైంది. మరో వైపు విచారణ పేరుతో వేధిస్తున్నారని కోర్టుకెక్కాడు కమల్. నిర్మాతతో కూడా కమల్ కు విభేదాలు తలెత్తాయని వార్తలు వచ్చాయి.

దీంతో కమల్ భారతీయుడు – 2 సినిమా అటకెక్కినట్లే అని ఫిల్మ్ నగర్ లో రూమర్స్ జోరందుకున్నాయి. ఇక సినిమా ఆగిపోయినట్టే అని వార్తలు వచ్చాయి. దీంతో లైకా ప్రొడక్షన్స్ నిర్మాణ సంస్థ దీనిపై క్లారిటీ ఇచ్చింది. 70 శాతం పూర్తైన చిత్రం గురించి ఇలాంటి ఫేక్ న్యూస్ రాయొద్దని కోరింది. లాక్ డౌన్ ఎత్తేయగానే సినిమా షూటింగ్ ప్రారంభం అవుతుందని స్పష్టం చేసింది. ఒక పనికి ఆటంకాలు ఎదురుకావడం మామూలే అని.. దాన్ని అధిగమించి ముందుకు సాగుతామని తెలిపింది. దయచేసి తమ ప్రాజెక్ట్ గురించి ఇలాంటి పుకార్లు పుట్టించొద్దని కోరింది.

Tags : Lyca Productions, Kamal Haasan, Shankar, Indian 2