సిర్పూర్‌లో విచ్చలవిడిగా ‘దేశిదారు’.. 200 బాటిల్స్ స్వాధీనం

దిశ, సిర్పూర్ (టి) : దేశి దారు తరలిస్తున్న ఇద్దరు వ్యక్తులను పోలీసులు అదుపులోకి తీసుకున్నారు. ఈ ఘటన ఉమ్మడి ఆదిలాబాద్ జిల్లాలోని సిర్పూర్‌లో శనివారం వెలుగుచూసింది. వివరాల్లోకివెళితే.. మహారాష్ట్రలోని బల్లార్ష నుంచి పల్సర్ ద్విచక్ర వాహనంపై అక్రమంగా 200 దేశి దారు (మద్యం బాటిల్స్)ను తరలిస్తున్న ఇద్దరిని సిర్పూర్ టి ఎస్‌ఐ రవి పట్టుకొన్నారు. మండలంలోని పెడ్డబండ సమీపంలో పోలీసులు తనిఖీలు నిర్వహిస్తు్ండగా అనుమానాస్పదంగా కనిపించిన ఇద్దరు వ్యక్తులు అదుపులోకి తీసుకొని తనిఖీలు చేయగా ఈ విషయం వెలుగులోకి వచ్చింది. నిందితులను బలార్షాకు చెందిన అమిర్ సోహైల్, సాహిల్ శరత్‌లుగా గుర్తించారు. MH 34AL 2301 నెంబర్ గల పల్సర్ బైక్ ను స్వాధీనం చేసుకుని ఇద్దరు పై కేసు నమోదు చేసినట్లు ఎస్ఐ తెలిపారు.