దొంగను దొరికించడంలో స్మార్ట్ వీడియో డోర్ బెల్ దిట్ట..

దిశ, ఫీచర్స్ : ఈ మధ్య కాలంలో ఎక్కడ చూసినా దొంగతనాలు, దోపిడీలు ఎక్కువగా జరుగుతన్న సంఘటనలు. పోలీసులు పెట్రోలింగ్ నిర్వహించినా, సీసీ కెమెరాలు అమర్చినా కొన్ని ప్రాంతాల్లో ఎక్కువగా చోరీలు జరుగుతున్నాయి. ఏ విధంగా దొంగతనాలు ఆపాలన్నా జరుగుతూనే ఉంటాయి. ఇలాంటి చోరీలను ఆపడానికి మార్కెట్లో వివిధ రకాల సెక్యూరిటీ కెమెరాలు అందుబాటులో ఉన్నాయి. అందులో ఒకటే స్మార్ట్ వీడియో డోర్ బెల్. దీన్ని మీ డోర్‌లో ఇన్‌స్టాల్ చేస్తే ఎంతో ఉపయోగకరంగా ఉంటుంది. ఈ కెమెరాలో, వీడియో రికార్డింగ్, రెండు వైపులా ఆడియో - వీడియో కాల్‌, హెచ్చరికలు జారీ చేయడం వంటి ఫీచర్స్ ఉన్నాయి. దీంతో ఈ స్మార్ట్ వీడియో డోర్ బెల్ దొంగతనం, ఇతర నేరాల నుండి మీ ఇంటిని, కార్యాలయాలని రక్షిస్తుంది.

స్మార్ట్ వీడియో డోర్ బెల్ : ఫీచర్లు

వీడియో రికార్డింగ్ : స్మార్ట్ వీడియో డోర్ బెల్ ముందుకు ఎవరైనా వస్తే వారి వీడియోను రికార్డ్ చేయగలదు.

టూ-సైడ్ ఆడియో-వీడియో కాల్ : స్మార్ట్ వీడియో డోర్ బెల్ ద్వారా, మీరు మీ డోర్ వద్ద నిలబడి ఉన్న వ్యక్తితో ఆడియో కాల్ లేదా వీడియో కాల్ మాట్లాడవచ్చు.

హెచ్చరికలు : స్మార్ట్ వీడియో డోర్ బెల్ ద్వారా మీ ఇంటి వద్దకు ఎవరైనా వచ్చినప్పుడు మీకు సిగ్నల్స్ ను పంపగలదు. మీ ఇంట్లో, కార్యాలయంలో ఏదైనా అనుమానాస్పద కార్యకలాపాలు జరుగుతున్నాయో లేదో తెలుసుకోవడానికి ఈ ఫీచర్ మీకు సహాయపడుతుంది.

ముఖ గుర్తింపు : కొన్ని స్మార్ట్ వీడియో డోర్‌బెల్స్ ముఖాలను గుర్తించగలవు. మీ ఇంటి వద్దకు ఎవరు వచ్చారో కనుగొనడంలో ఈ ఫీచర్ మీకు సహాయపడుతుంది.

చీకటిలో వీడియో రికార్డింగ్ : కొన్ని స్మార్ట్ వీడియో డోర్‌బెల్స్ చీకటిలో కూడా బాగా పని చేస్తాయి. ఇవి మీకు స్పష్టమైన వీడియోలను అందిస్తాయి. ఈ ఫీచర్ ద్వారా మీరు తలుపు వద్దకు వచ్చే వ్యక్తిని సులభంగా చూడవచ్చు.