రెడ్, ఆరెంజ్, ఎల్లో, గ్రీన్ అలర్ట్ అంటే ఏంటో తెలుసా..?
దిశ,ఫీచర్స్: దాదాపు అన్ని రాష్ట్రాల్లో ఎండలు ఠారెత్తిస్తున్నాయి. కొన్ని ప్రాంతాల్లో వాతావరణ శాఖ వాతావరణాన్ని హెచ్చరించేందుకు ప్రత్యేకంగా రంగు ఆధారంగా జారీ చేయబడతాయి. పరిస్థితులను ఎప్పటికప్పుడు పరిశీలిస్తున్న భారత వాతావరణ శాఖ (ఐఎండీ).. ప్రజలు, అధికారులకు సూచనలు ఇస్తోంది. ఈ క్రమంలో పలు ప్రాంతాలకు ఆరెంజ్ అలర్ట్ ఇస్తుంటే.. ఇంకొన్ని ప్రాంతాలకు రెడ్ అలర్ట్ జారీ చేస్తోంది. అసలేంటి ఈ ఆరెంజ్, రెడ్ అలర్ట్స్? మనం ఇక్కడ తెలుసుకుందాము..
గ్రీన్ అలర్ట్:- వాతావరణానికి సంబంధించిన అప్డేట్ ఉండి, పెద్దగా ఆందోళన చెందాల్సిన అవసరం లేనప్పుడు ఇచ్చేదే ‘గ్రీన్ అలర్ట్’.
యెల్లో అలర్ట్:- వాతావరణం ప్రతికూలంగా ఉండి, ప్రజలు అప్రమత్తంగా ఉండాలని ఈ అలర్ట్ సూచిస్తుంది.
ఆరెంజ్ అలర్ట్:- వాతావరణం చాలా ప్రమాదకరంగా ఉందని, విద్యుత్, రైలు, రోడ్డు, విమాన సేవలకు తీవ్ర అంతరాయం కలిగే అవకాశం ఉంటే ఈ అలర్ట్ అమల్లోకి వస్తుంది.
రెడ్ అలర్ట్:- చివరిది రెడ్ అలర్ట్. పరిస్థితులు అత్యంత ఆందోళనకరంగా ఉన్నప్పుడు, ప్రజల జీవితాలను ముప్పు పొంచి ఉందని సూచించేందుకు ఈ అలర్ట్ జారీ అవుతుంది.
