వృద్ధుడితో అలా చేయించుకోవడం ఏంటి కియారా?
దిశ, సినిమా: ‘అర్జున్ రెడ్డి’ హిందీ రీమేక్ ‘కబీర్ సింగ్‌’ మూవీతో బాలీవుడ్‌లో స్టార్ స్టేటస్ దక్కించుకున్న కియారా అద్వానీ చిక్కుల్లో పడింది. రీసెంట్‌గా తన బాయ్‌ఫ్రెండ్ సిద్దార్థ్ మల్హోత్రా ఇంటికి వెళ్లిన కియారాకు.. కారు దిగి వెళ్లే క్రమంలో జరిగిన ఇన్సిడెంట్‌ కొత్త తలనొప్పి తెచ్చిపెట్టింది. ఆ సమయంలో తను ప్రవర్తించిన తీరుపై సోషల్ మీడియాలో ట్రోలింగ్‌ ఎదుర్కొంటుండగా.. ఇన్‌స్ట్రాగ్రామ్‌లో నెటిజన్లు ఓ ఆట ఆడుకుంటున్నారు. అసలు విషయానికొస్తే.. ఇటీవల సిద్దార్థ ఇంటికొచ్చిన కియారా, అక్కడ కారు దిగబోతుండగా ఒక ఏజ్డ్ పర్సన్ వచ్చి డోర్ తీశాడు.
ఆ తర్వాత తను ఇంట్లోకి వెళ్లిపోతుండగా సెల్యూట్ కూడా చేశాడు. అయితే కియారా మాత్రం ఆ వ్యక్తిని పట్టించుకోకుండా తలూపుతూ వెళ్లిపోయింది. ప్రస్తుతం ఈ వీడియో నెట్టింట్లో వైరల్ కాగా.. డోర్ తీసిన పెద్దమనిషికి కనీస మర్యాద ఇవ్వకుండా వెళ్లిపోవడం సిగ్గుచేటని ట్రోల్ చేస్తున్నారు. అంతేకాదు అతని వయసుకైనా గౌరవం ఇవ్వాల్సిందని మండిపడుతున్నారు. కాగా చివరగా ‘గుడ్ న్యూజ్’ చిత్రంలో కనిపించిన కియారా.. ప్రస్తుతం ‘భూల్ భూలయా2’ మూవీలో కార్తీక్ ఆర్యన్ సరసన నటిస్తోంది.
