ఆ ఇద్దరితో సంబంధం లేదు..!
దిశ, వెబ్డెస్క్: నటుడు సుశాంత్ సింగ్ రాజ్పుత్ మరణం తర్వాత సినీ ఇండస్ట్రీపై పలు ఆరోపణలు వెల్లువెత్తుతున్నాయి. ఈ కేసు దర్యాప్తులో భాగంగా బాలీవుడ్లో డ్రగ్స్ వ్యవహారం బయటకు వచ్చింది. తాజాగా బాలీవుడ్ దర్శక నిర్మాత కరణ్ జోహార్ పేరు తెరపైకి వచ్చింది.
డ్రగ్స్ కేసులో ఎన్సీబీ గుర్తించిన క్షితిజ్ ప్రసాద్, అనుభవ్ చోప్రా.. కరణ్కు సన్నిహితులు అని మీడియాలో వార్తలు వచ్చాయి. దీనిపై కరణ్ జోహార్ ఓ స్టేట్మెంట్ను విడుదల చేశారు. తనకు ఇద్దరితో ఎలాంటి సంబంధం లేదని స్పష్టం చేశారు.'ధర్మా ప్రొడక్షన్స్ సంస్థలో అనుభవ్ చోప్రా.. 2011-12 మధ్య కాలంలో కేవలం రెండు నెలలు మాత్రమే పనిచేశాడని తెలిపారు. క్షితిజ్ ప్రసాద్ తమ సంస్థలో ఓ ప్రాజెక్టు కోసం గతేడాది ఎగ్జిక్యూటివ్ ప్రొడ్యూసర్‌గా జాయిన్ అయ్యాడు. అయితే ఆ ప్రాజెక్టు కార్యరూపం దాల్చలేదని చెప్పారు. అంతకుమించి ఆ ఇద్దరు వ్యక్తులతో, వాళ్ల వ్యక్తిగత జీవితాలతో తనకు , ధర్మ ప్రొడక్షన్స్‌కు ఎలాంటి సంబంధమూ లేదని కరణ్ పేర్కొన్నారు. ఇక తాను ఎప్పుడూ డ్రగ్స్ తీసుకోలేదని.. డ్రగ్ డీలర్స్ ఎవరితోనూ సంప్రదింపులు జరపలేదని అన్నారు.
