‘కళాకార్’ రిలీజ్ చేసిన బ్లాక్ బస్టర్ డైరెక్టర్

దిశ, సినిమా : ‘6 టీన్స్‌’ హీరో రోహిత్ న‌టిస్తున్న లేటెస్ట్ యాక్షన్ ఎంట‌ర్‌టైన‌ర్ ‘క‌ళాకార్’. ఏజీ అండ్‌ ఏజీ ఎంటర్‌టైన్‌మెంట్స్‌ పతాకంపై వెంకటరెడ్డి జాజాపురం నిర్మిస్తున్న చిత్రానికి శ్రీను బందెల దర్శకత్వం వహిస్తున్నారు. షాయాజీ షిండే, పృథ్విరాజ్‌, రాజీవ్‌ కనకాల, శివశంకర్‌, రవి కాలే, గగన్ లీడ్ రోల్స్‌లో నటిస్తున్న చిత్ర ఫస్ట్ లుక్‌ను ఇటీవలే హీరో శ్రీ‌కాంత్ రిలీజ్ చేయగా మంచి రెస్పాన్స్ లభించింది. ఇదిలా ఉంటే, తాజాగా బ్లాక్‌బ‌స్టర్ డైరెక్టర్ అనిల్‌రావిపూడి ‘క‌ళాకార్’ మూవీ మోష‌న్‌ పోస్టర్‌ను విడుదల చేసి చిత్రయూనిట్‌కు ఆల్ ది బెస్ట్ తెలిపారు.

ఇక హీరో రోహిత్ ఈ సినిమాలో ప‌వ‌ర్‌ఫుల్ పోలీస్ ఆఫీస‌ర్ పాత్రలో క‌నిపించ‌నుండగా.. మోష‌న్‌ పోస్టర్‌ను అనిల్ రావిపూడి రిలీజ్ చేయ‌డం పట్ల ఆనందం వ్యక్తం చేశారు. సినిమా తప్పకుండా అంద‌రికీ న‌చ్చుతుందన్నారు. చిత్ర నిర్మాత వెంకటరెడ్డి మాట్లాడుతూ.. సినిమా క‌మ‌ర్షియ‌ల్‌గా మంచి విజ‌యం సాధిస్తుంద‌నే న‌మ్మకముందన్నారు. కాగా పోస్ట్ ప్రొడ‌క్షన్ వర్క్ ముగించుకుని త్వర‌లోనే టీజ‌ర్ విడుద‌ల‌ చేస్తామని దర్శకుడు శ్రీను వెల్లడించారు. అమర్‌ జి సినిమాటోగ్రఫీ అందించిన చిత్రానికి క‌నిష్క స్వరాలు సమకూర్చారు.