వకీల్ సాబ్ జతకట్టేది జాన్వీతోనే..

జాన్వీ కపూర్.. శ్రీదేవి, బోనీ‌కపూర్‌ల కూతురు. ధడక్ సినిమాతో బాలీవుడ్ ఎంట్రీ ఇచ్చిన జాన్వీ.. సౌత్ ఎంట్రీ ఎప్పుడెప్పుడా? అని అభిమానులు వెయిట్ చేస్తున్నారు. పూరీ జగన్నాథ్, విజయ్ దేవరకొండ కాంబినేషన్‌లో వస్తున్న ఫైటర్ సినిమాతోనే దక్షిణాదిన అడుగుపెడుతోంది అనుకున్నా.. ఆ చాన్స్ కాస్తా అనన్య పాండే కొట్టేసింది.

అయితే తను త్వరలోనే టాలీవుడ్‌కు పరిచయం కాబోతోందని సమాచారం. దిల్ రాజు, బోనీ కపూర్ నిర్మాతలుగా వకీల్ సాబ్ చిత్రం తెరకెక్కుతోంది. పవర్‌స్టార్ పవన్ కళ్యాణ్ రీఎంట్రీ ఇస్తున్న ఈ సినిమాలో హీరోయిన్‌గా జాన్వీ కపూర్ నటిస్తుందనే వార్త ఫిల్మ్ నగర్‌లో చక్కర్లు కొడుతోంది. ఈ చిత్రంలో అంజలి, నివేద థామస్‌లు ప్రధాన పాత్రల్లో నటిస్తుండగా.. మూవీ యూనిట్ పవన్ హీరోయిన్ కోసం వెతుకుతూనే ఉంది. చివరికి జాన్వీ దగ్గర ఈ సెర్చ్‌కు ఫుల్‌స్టాప్ పడినట్లు తెలుస్తుండగా.. దీనిపై అధికారిక ప్రకటన రావాల్సి ఉంది. పింక్ రీమేక్‌గా వస్తున్న ఈ చిత్రం ఫస్ట్ లుక్‌తోనే సోషల్ మీడియా రికార్డులు బ్రేక్ చేయగా.. ఇక ఈ సినిమాకు జాన్వీ తోడైతే మరెన్ని రికార్డులు క్రియేట్ చేస్తుందో చూడాలి మరి.