బ్యాడ్మింటన్ ప్లేయర్లకు గుడ్‌న్యూస్.. ఈ నెలలోనే భారీ టోర్నమెంట్

దిశ, వెబ్‌డెస్క్: జర్నలిస్టులకు ఇటీవల 7H మీడియా ప్రీమియర్ లీగ్ ఆధ్వర్యంలో క్రికెట్ టోర్నమెంట్ నిర్వహించిన ఆర్గనైజర్ వెంకటేష్ మరో నూతన సీజన్‌కు శ్రీకారం చుట్టారు. హైదరాబాద్ కార్పొరేట్ బాడ్మింటన్ చాంపియన్‌షిప్‌‌‌(సీజన్ 1) పేరుతో మరో టోర్నమెంట్‌‌ను తీసుకొచ్చారు. తెలంగాణ స్పోర్ట్స్ అథారిటీ చైర్మన్ అల్లిపురం వెంకటేశ్వర్ రెడ్డి చేతుల మీదుగా శుక్రవారం ఈ పోస్టర్‌ను విడుదల చేశారు.

ఈ సందర్భంగా ఆర్గనైజర్ వెంకటేష్ మాట్లాడుతూ.. ఆగస్టు 21, 22వ తేదీల్లో టోర్నమెంట్ నిర్వహించడం జరుగుతుందని తెలిపారు. పబ్లిక్, ప్రైవేట్, కార్పొరేట్ సంస్థల్లో పనిచేసే ఉద్యోగులు టోర్నమెంట్‌లో పాల్గొని విజయవంతం చేయాలని పిలుపునిస్తూనే వారికి ఆల్ ది బెస్ట్ చెప్పారు. సింగిల్స్, డబుల్స్, మిక్స్‌డ్ డబుల్స్ విభాగాల్లో పోటీలు ఉంటాయని.. కార్పొరేట్ స్థాయిలో బ్యాడ్మింటన్ ఆటను ప్రమోట్ చేయాలన్న ఉద్దేశంతో హైదరాబాద్ కార్పొరేట్ బాడ్మింటన్ చాంపియన్‌షిప్‌‌‌ తీసుకొస్తున్నట్టు ఆయన స్పష్టం చేశారు. టాలెంట్ ఉన్న క్రీడాకారులను గుర్తించి.. వారు ముందుకెళ్లడానికి 7H Sports సంస్థ నుంచి అన్ని విధాలుగా సపోర్ట్ ఉంటుందని వెంకటేష్ తెలిపారు.

ముఖ్య గమనిక:

ఈ టోర్నమెంట్‌‌లో పాల్గొనేందుకు ఆసక్తి ఉన్న ఉద్యోగులు 7396386214, 9347777794 సెల్ నెంబర్లను సంప్రదించగలరు. ఈ టోర్నమెంట్‌కి బాడ్మింటన్ అసోసియేషన్ ఆఫ్ తెలంగాణ, తెలంగాణ ఒలింపిక్ సంఘం, స్పోర్ట్స్ అథారిటీ అఫ్ తెలంగాణ సహకారం అందించగా.. 7H Sports సంస్థ నిర్వహించడం విశేషం.