ఢిల్లీ ఎయిర్‌పోర్టులో భారీగా హెరాయిన్ పట్టివేత

దిశ, వెబ్‌డెస్క్: ఢిల్లీ అంతర్జాతీయ ఎయిర్‌పోర్టులో భారీగా హెరాయిన్ పట్టుబడింది. రూ.20 కోట్ల విలువ చేసే 2.6 కిలోల హెరాయిన్‌ను కస్టమ్స్ అధికారులు మంగళవారం ఉదయం స్వాధీనం చేసుకున్నారు. ఉగాండా నుంచి వచ్చిన ఓ ప్రయాణికుడి నుంచి ఈ హెరాయిన్‌ను స్వాధీనం చేసుకున్నట్టు అధికారులు వెల్లడించారు. కార్డ్ బోర్డ్ బాక్స్‌కు రంద్రాలు చేసి తెల్లటి పౌడర్‌‌ను నింపి, హెరాయిన్ కనిపించకుండా తరలించేందుకు స్మగ్లర్ ప్రయత్నం చేశాడని అన్నారు. అనంతరం నిందితుడ్ని అదుపులోకి తీసుకొని విచారిస్తున్నారు.