హన్సికా మ్యూజిక్ వీడియోపై మీమర్స్ అటాక్..

దిశ, సినిమా: బ్యూటిఫుల్ హన్సికా మోత్వాని.. హిట్ మేకర్ టోనీ కక్కర్‌తో స్టెప్స్ వేసింది. యూత్‌ఫుల్, పెప్పీ డ్యాన్స్ నంబర్ ‘బుట్టీ షేక్’ మ్యూజిక్ వీడియోలో అప్పియరెన్స్‌ ఇవ్వగా.. వీడియో రిలీజైన ఐదు గంటల్లోనే ఏడు లక్షలకు పైగా వ్యూస్ సాధించింది. మ్యూజిక్, లిరిక్స్ అందించిన టోనీ కక్కర్.. సోనూ కక్కర్‌తో కలిసి సాంగ్ పాడారు. కాగా ఈ సాంగ్ లిరిక్స్‌లో 90శాతం ‘బుట్టీ’ వర్డ్ రిపీట్ కావడం, 10 శాతం మాత్రమే ఇతర పదాలు ఉండటంతో నెగెటివ్ కామెంట్స్ వస్తున్నాయి. మీమర్స్, యూట్యూబర్స్ రోస్ట్ చేసేందుకు ఓ కంటెంట్ దొరికినట్లు అయింది. ఈ పాట విన్నాక ఎవరైనా మ్యూజిక్ వీడియో చేయొచ్చని అనిపిస్తుందని విమర్శిస్తున్నారు. అయినా సరే ఈ వీడియో వ్యూస్ పెరుగుతుండటం మరో విశేషం.