గుట్కా ప్యాకెట్లు స్వాధీనం

దిశ,సిద్దిపేట:
సిద్దిపేట జిల్లాలో భారీగా గుట్కా ప్యాకెట్లను పోలీసులు మంగళవారం పట్టుకున్నారు. సిద్దిపేట టూ టౌన్ పోలీస్ స్టేషన్ పరిధిలోని మహాశక్తి నగర్ కాలనీకి చెందిన తొడుపునూరి బాల్ రాజ్ , కుషాల్ నగర్ కాలనీకి చెందిన గన్నె రాజేశ్ ఇద్దరు కలిసి వారి ఇంటిలో 70 వేల రూపాయల విలువ గల గుట్కా ప్యాకెట్లను అక్రమంగా దాచి ఉంచారు. కాగా సమాచారం తెలుసుకుని వారి ఇంటిపై పోలీసులు దాడి చేశారు. 14 గన్ని బ్యాగుల్లో వున్న గుట్కా ప్యాకెట్లను పోలీసులు స్వాధీనం చేసుకుని కేసు నమోదు చేశారు.