టీఆర్‌ఎస్ అభ్యర్థులకు పెరుగుతున్న మద్దతు
దిశ వెబ్‌డెస్క్: పట్టభద్రుల ఎమ్మెల్సీ ఎన్నిల్లో టీఆర్‌ఎస్ తరఫున పోటీ చేస్తున్న పల్లా రాజేశ్వర్ రెడ్డి , సురభి వాణీ దేవిలకు సంపూర్ణ మద్దతు ప్రకటిస్తున్నట్లు తెలంగాణ గ్రూప్ 1 అధికారుల సంఘం అధ్యక్ష ,ప్రధాన కార్యదర్శులు మామిండ్ల చంద్ర శేఖర్ గౌడ్, హన్మంత్ నాయక్‌లు ఇవాళ తెలిపారు. ఉద్యమ కాలం నుండి ఉద్యోగులు, అధికారులు కేసీఅర్ వెంటే నడిచారని, రాష్ట్రం ఏర్పడిన దగ్గర నుండి ఉద్యోగుల సంక్షేమం కోసం టీఆర్‌ఎస్ ప్రభుత్వం కృషి చేస్తుందన్నారు.
ఉద్యోగులు ,అధికారుల భవిష్యత్ ప్రయోజనాల దృష్ట్యా టీఆర్‌ఎస్‌కు మద్దతు పలుకనున్నట్లు మామిండ్ల చంద్ర శేఖర్ గౌడ్, హన్మంత్ నాయక్‌లు తెలిపారు. అయితే ఎమ్మెల్సీ ఎన్నికల్లో గెలవాలంటే..ఉద్యోగుల ఓట్లు చాలా కీలకం. అందుకే ఎమ్మెల్సీ ఎన్నికల్లో ఉద్యోగుల మద్దతు కోసం అన్ని పార్టీలు తీవ్ర ప్రయత్నాలు చేస్తున్నాయి. తమకు మద్దతు ఇవ్వాలని ఉద్యోగ సంఘాలను పార్టీలన్నీ కోరుతున్నాయి.
