ఉద్యోగాల పేరిట మోసం.. నలుగురు అరెస్ట్ !

దిశ, తెలంగాణ క్రైమ్‌బ్యూరో: ఉద్యోగాల పేరిట మోసాలకు పాల్పడుతున్న నలుగురిని సీసీఎస్ పోలీసులు అరెస్టు చేశారు. హైదరాబాద్‌‌కు చెందిన ఓ వ్యక్తి ఉద్యోగం కోసం వెతుకుతూ నౌకరీ డాట్ కామ్‌లో పేరు నమోదు చేసుకున్నాడు. ఈ క్రమంలోనే ఆ వెబ్‌సైట్ నుంచి నెంబరు తీసుకున్న ఢిల్లీకి చెందిన మోసగాళ్లు ఉద్యోగం ఇప్పిస్తామని చెప్పి.. ఆ వ్యక్తి నుంచి రూ.96 వేలను తమ ఖాతాల్లో వేయించుకున్నారు. ఆ తర్వాత ఫోన్లు స్విచ్ఛాప్ రావడంతో మోసపోయినట్టుగా గ్రహించిన బాధితుడు పోలీసులకు ఆశ్రయించాడు. ఫిర్యాదు అందుకున్న సీసీఎస్ పోలీసులు కేసు నమోదు దర్యాప్తు చేశారు. దీంతో నిందితులను ఢిల్లీలో అరెస్టు చేసి ట్రాన్సిట్ వారెంట్‌పై హైదరాబాద్‌కు తీసుకొచ్చారు. నలుగురు నిందితులను రిమాండ్‌కు తరలించారు.