పూణెలో ఘోర అగ్ని ప్రమాదం.. 500 షాపులు దగ్ధం
దిశ, వెబ్‌డెస్క్: మహారాష్ట్రలోని పూణె ఫ్యాషన్ స్ట్రీట్ మార్కెట్‌లో ఘోర అగ్ని ప్రమాదం సంభవించింది. ఈ ప్రమాదంలో సుమారు ఐదు వందలకు పైగా షాపులు దగ్ధమయ్యాయి. శుక్రవారం అర్ధరాత్రి ఈ ప్రమాదం జరిగినట్టు తెలుస్తున్నది. పూణె ఫ్యాషన్ స్ట్రీట్ మార్కెట్‌లో చిన్న చిన్న బట్టల దుకాణాలు, గ్రాసరీ షాపుల వంటి వాటికి ఫేమస్. చిరువ్యాపారులు ఎక్కువగా ఉండే ఈ మార్కెట్.. పూణెలో చాలా ఫేమస్ మార్కెట్లలో ఒకటి.
— kalpesh Jain (@kalps133) March 26, 2021
ఈ ఘటనపై సమాచారం అందుకున్న అధికార యంత్రాంగం హుటాహుటిన మంటలను ఆర్పే చర్యలను చేపట్టింది. సుమారు 50 ఫైరింజన్లు మంటలనార్పుతున్నాయి. అర్ధరాత్రి ప్రమాదం జరగడంతో ప్రాణనష్టమేమీ సంభవించలేదని అధికారులు తెలిపారు. కానీ చిన్న వ్యాపారులు మాత్రం తీవ్రంగా నష్టపోయారు.
Maharashtra: Over 500 shops gutted in a fire that broke out at Fashion Street market in Pune last night. Around 16 fire tenders deployed to extinguish the fire. Latest visuals from the spot. pic.twitter.com/LWQueLwlKg
— ANI (@ANI) March 27, 2021
కాగా, ప్రస్తుత ప్రమాదానికి గల కారణాలు తెలియాల్సి ఉంది. చూస్తుండగానే మంటలు విస్తరించడంతో షాపులలో ఉండే వస్తువులన్నీ బూడిదయ్యాయి.
