అకాల వర్షం.. భారీగా పంట నష్టం

దిశ, మక్తల్: శనివారం రాత్రి కురిసిన అకాల వర్షానికి ఆరున్నర ఎకరాల మామిడి పంట నేల రాలడంతో రైతు బోరుమంటున్న సంఘటన మాగనూరు మండలంలోని కొల్లూరు గ్రామంలో జరిగింది. దాదాపు ఆరు, ఏడు లక్షల రూపాయల పంట నష్టం వాటిల్లిందని రైతు చెబుతున్నాడు. నారాయణపేట జిల్లా మక్తల్ నియోజకవర్గం మాగనూర్ మక్తల్ మండలం కొల్పూర్ గ్రామంలో నర్సంహులు అనే రైతు సాగుచేసిన మామిడి తోటలో అకాల వర్షానికి ఈదురుగాలులకు మామిడి కాయలు నేల రాలిపోయాయి.

పెద్ద ఎత్తున ఈదురుగాలులు వీచి ఒక్కసారిగా వర్షం కురవడంతో అపార నష్టం జరిగిందని, మామిడి కాయలు కొత దశలో ఉండగా కాయలు రాలి పోయాయని ఆవేదన వ్యక్తం చేశాడు. నేల రాలిన మామిడి కాయలను మార్కెట్ కి వెళ్లి అమ్మకుందామన్నా.. ప్రస్తుతం లాక్ డౌన్ కారణంగా అమ్ముకోలేని పరిస్థితి అని రైతు కన్నీళ్లుమున్నీళ్లు అయ్యాడు.