బన్నీ సినిమాకు కష్టాలు.. బాయ్‌కాట్ అంటూ సినీ లవర్స్ డిమాండ్

దిశ, సినిమా: దేశవ్యాప్తంగా జరిగే ఎర్ర చందనం స్మగ్లింగ్ నేపథ్యంలో స్టార్ డైరెక్టర్ సుకుమార్ – అల్లు అర్జున్ కాంబినేషన్‌లో తెరకెక్కుతున్న చిత్రం ‘పుష్ప’. కాగా రేపు రిలీజ్ కానున్న ఈ చిత్రం వివాదంలో చిక్కుకుంది. కర్ణాటకలో పుష్పను బాయ్‌కాట్ చేయాలని కోరుతున్నారు అక్కడి సినీ లవర్స్. #BoycottPushpaInKarnataka పేరుతో ట్విట్టర్‌లో ట్రెండ్ చేస్తున్నారు. పాన్ ఇండియా లెవల్‌లో తెరకెక్కించిన ఈ చిత్రాన్ని మేకర్స్ తెలుగు వెర్షన్ 200+, హిందీ వెర్షన్ 10+, మలయాళం వెర్షన్ 4+, తమిళం వెర్షన్ 4+ థియేటర్లలో రిలీజ్ చేస్తున్నారు.

కానీ కన్నడ వెర్షన్‌‌లో మాత్రం మూడు థియేటర్లలో మాత్రమే రిలీజ్ చేస్తునట్లు మేకర్స్ తెలిపారు. తమను ఎందుకు చిన్నచూపు చూస్తున్నారని నిలదీస్తున్న కన్నడ సినీ ప్రియులు.. అలాంటప్పుడు పుష్పను కన్నడలోకి ఎందుకు డబ్ చేశారని ప్రశ్నిస్తున్నారు. ఇదేమీ ఆంధ్ర కాదు కర్ణాటక. తెలుగుకు బదులు కన్నడ వెర్షన్‌నే మరిన్ని థియేటర్స్‌లో రిలీజ్ చేయండని డిమాండ్ చేస్తున్నారు. లేదంటే కచ్చితంగా బ్యాన్ చేస్తామని హెచ్చరిస్తున్నారు.

https://twitter.com/Madhu_RSYCult/status/1471143793122443267?s=20