కరోనాతో ఆ దేశ ప్రధాని మృతి

దిశ, వెబ్‌డెస్క్: ఆఫ్రికాలోని ఎస్వతీనీ అనే దేశ ప్రధానమంత్రి ఆంబ్రోస్ మాండ్వులో లామిని (52) కరోనాతో మరణించారు. కొద్ది రోజుల క్రితం కరోనా బారిన పడిన ఆయన.. దక్షిణాఫ్రికాలోని ఓ ఆస్పత్రిలో చికిత్స పొందుతూ ఆదివారం అర్ధరాత్రి తుదిశ్వాస విడిచారని ఎస్వతీనీ ఉప ప్రధాని తెంబా మసుకు ప్రకటించారు. కరోనా నుంచి కోలుకునేందుకు అంబ్రోస్‌ను దక్షిణాఫ్రికాకు తరలించినా.. చికిత్స పొందుతూ మరణించాడని తెంబా చెప్పుకొచ్చారు. అంబ్రోస్ 2018 నవంబరులో ఎస్వతీని ప్రధానమంత్రిగా నియమితులయ్యారు.