కర్ణాటకలో ఘోర ప్రమాదం.. 17 మంది మృతి

దిశ, వెబ్‌డెస్క్ : కర్ణాటకలో ఘోర రోడ్డు ప్రమాదం సంభవించింది. ధర్వాడ్ జిల్లాలో ఇట్టిగట్టి దగ్గర మినిబస్సును టిప్పర్ ఢీ కొట్టింది. ఈ ఘటనలో 17 మంది మహిళ డాక్టర్లు ప్రాణాలు కోల్పోయారు. వీరంతా కర్ణాటకలోని ప్రముఖ ఆస్పత్రుల్లో పనిచేస్తున్నారు. కాగా విహారయాత్రకు గోవా వెళుతుండగా ఈ ఘటన చోటు చేసుకుంది. ఘటనపై ప్రధాని మోడీ దిగ్బ్రాంతి వ్యక్తం చేశారు.

కాగా టిప్పర్ డ్రైవర్ నిర్లక్ష్యంగా వ్యవహరించడం వల్లే పెనుప్రమాదం సంభవించిందని అక్కడి వారు ఆరోపిస్తున్నారు.మృత దేహాలను ఇప్పటికే పోస్టుమార్టం నిమిత్తం స్థానిక ప్రభుత్వ ఆస్పత్రికి పోలీసులు తరలించారు. పోలీసులు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.