JEE మెయిన్ 2024 సెషన్-1 ఆన్సర్ కీ విడుదల.. ఇలా చెక్ చేసుకోండి..
దిశ, ఫీచర్స్ : నేషనల్ టెస్టింగ్ ఏజెన్సీ (NTA) JEE మెయిన్స్ 2024 సెషన్-1 పరీక్షల ప్రొవిజనల్ ఆన్సర్ కీ విడుదల చేసింది. ఈ ఏడాది జనవరి 24 నుంచి ఫిబ్రవరి 1 మధ్య (NTA) ఈ పరీక్షలను నిర్వహించింది. NTA తన అధికారిక వెబ్సైట్ jeemain.nta.ac.in లో JEE మెయిన్ సెషన్-1 కీని భద్రపరిచింది. అలాగే రెస్పాన్స్ షీట్ పీడీఎఫ్‌ను కూడా అభ్యర్థులకు అందుబాటులో ఉంచింది. పేపర్ 2 పరీక్షకు మొత్తం 55,493 మంది అభ్యర్థులు హాజరయ్యారు. పేపర్ 1 బీఈ, బీటెక్‌లకు 11,70,036 మంది అభ్యర్థులు హాజరయ్యారు. పరీక్ష సమాధానాల కీ విడుదలైన వెంటనే, అభ్యర్థులు పరీక్ష సమాధానాలకు సంబంధించి ఏవైనా అభ్యంతరాలు తెలిపేందుకు ఏజెన్సీ అభ్యంతరాల విండోను కూడా అందుబాటులో ఉంచింది.
JEE మెయిన్ ఆన్సర్ కీని ఎలా తనిఖీ చేయాలి..
జవాబు కీని తనిఖీ చేయడానికి, ముందుగా jeemain.nta.ac.in అధికారిక వెబ్‌సైట్‌కి లాగిన్ అవ్వండి.
వెబ్సైట్ హోమ్ పేజీలో తాజా నవీకరణల లింక్‌ పై క్లిక్ చేయండి.
దీని తర్వాత మీరు JEE (మెయిన్) 2024 సెషన్-1 : ఆన్సర్ కీ లింక్‌కి వెళ్లాలి.
తర్వాత పేజీలో అడిగిన వివరాల నుండి జవాబు కీని తనిఖీ చేయండి.
జవాబు కీని తనిఖీ చేయడానికి లాగిన్ చేయండి.
జవాబు కీని తనిఖీ చేసిన తర్వాత, ప్రింట్ తీసుకోండి.
అభ్యంతరాలు తెలపడం ఎలా ?
ఆన్సర్ కీని చెక్ చేయడంతో పాటు అభ్యంతరం అనే ఆప్షన్ కూడా ఓపెన్ అవుతుంది. ఇందులో మీ అభ్యంతరాలను దాఖలు చేసేందుకు దరఖాస్తు చేసుకోవాలి. ఆన్సర్ కీ విడుదలైన తర్వాత ఏదైనా సమాధానానికి అభ్యంతరం తెలిపేందుకు అభ్యర్థులు ఒక్కో ప్రశ్నకు రూ. 200 రీఫండబుల్ ఫీజు చెల్లించాలి. ఫిబ్రవరి 8 వరకు అభ్యంతరాలు తెలియజేయవచ్చు.
జేఈఈ ఫలితాలు ఎప్పుడు ?
జేఈఈ మెయిన్స్‌కు సంబంధించి, ఆన్సర్ కీపై వచ్చిన అభ్యంతరాల ఆధారంగా మాత్రమే ఫలితాలు విడుదల చేస్తారు. ఆన్సర్ కీపై వచ్చిన అభ్యంతరాలను పరిష్కరిస్తారు. ఆ తర్వాత ఫైనల్ ఆన్సర్ కీ విడుదల చేస్తారు. JEE మెయిన్ ఫలితాలు ఫిబ్రవరిలో విడుదల అయ్యే అవకాశాలు ఉన్నాయి.
