స్వాగతం సుస్వాగతం

ఓ శోభ కృత్ నామ సంవత్సరమా

స్వాగతం సుస్వాగతం

కొత్త సంవత్సరంలో కోటి ఆశలతో

ఎదురుచూస్తున్న సమస్త ప్రాణకోటి

కోరికలు నెరవేర్చు

సకాలంలో వర్షాలు కురిసి

చెరువులు కుంటలు నిండి

భూగర్భజలాలు పెరగాలి

రైతన్నలకు చక్కటి పాడిపంటలు పండాలి

విద్యార్థులందరూ చదువుల్లో రాణించాలి

ఉద్యోగులకు బదిలీలు పదోన్నతులు రావాలి

భాషా పండితుల దశాబ్దాల కోరిక నెరవేర్చు

కనీసం ఈ సంవత్సరం నుండైనా,

ఉద్యోగులకు ఒకటో తారీకున జీతాలు వచ్చేనా

ప్రభుత్వ ఉద్యోగులందరికీ నూతన

వేతన సవరణ వచ్చేలా చూడు

ఓ శోభ కృత నామ సంవత్సరమా

ఈ ఏడాదిలోనే ఎన్నికలు వస్తాయి

ప్రజలహిత ప్రభుత్వాన్ని వచ్చేలా చూడు

లీకేజీలు డ్యామేజ్‌లు లేకుండా

పోటీ పరీక్షలు నిర్వహించేలా చూడు

పెండింగ్ ప్రాజెక్టులు పూర్తయ్యేలా చూడు

అవినీతి అంతమయ్యేలా చూడు

నిరుద్యోగులను నిరుత్సాహపరచకు

అందరి జీవితాల్లో నవ వసంతం

కురిపించాలని కోరుకుంటూ

శోభకృత నామ సంవత్సరానికి

స్వాగతం సుస్వాగతం

యాడవరం చంద్రకాంత్ గౌడ్

94417 62105