ఇండోనేషియాలో భూకంపం

ఇండోనేషియాలో భూకంపం సంభవించింది. శామ్‌లకీ ప్రాంతానికి 200 కిలోమీటర్ల దూరంలో శుక్రవారం తెల్లవారుజామున భూకంపం వచ్చినట్లు అక్కడి అధికారులు తెలిపారు. రిక్టర్ స్కేల్‌పై భూకంప తీవ్రత 5.4గా నమోదు అయింది. 157 కిలోమీటర్ల లోతులో భూమి కంపించడంతో ప్రజలు భయాందోళకు గురయ్యారు. ఈ ఘటనతో ఆస్తి, ప్రాణ నష్టం జరిగిందన్న దానిపై పూర్తి సమాచారం తెలియాల్సి ఉంది.