మూగ వ్యక్తిపై కర్రతో దాడి.. ఆ చిన్న కారణానికే..

దిశ, చింతకాని: చింతకాని మండలం చిన్నమండవ గ్రామంలో మాటలు రాని మూగ యువకుడిపై ఓ వ్యక్తి కర్రతో దాడి చేశాడు. వివరాల ప్రకారం.. చిన్న మండవ గ్రామంలో తళ్ళావాగు ప్రదేశంలో పంట పొలాలు ఖాళీగా ఉన్నాయి. దీనితో దారెల్లి నరేష్ ( వికలాంగుడు) మరి కొందరు ఆ పొలములో గేదెలను మేపడానికి వెళ్లారు. అదే గ్రామానికి చెందిన మరో వ్యక్తి అక్కడ గేదేలను ఎందుకు మేపుతున్నారంటూ గుండ్ల కిషోర్, గుండ్ల వంశీ, ఏసుపోగు బాను అనే యువకులపై కర్రతో దాడి చేశాడు. అంతే కాకుండా వారిని కులం పేరుతో దూషించాడు. ఇలా కుల అహంకారపూరిత దాడిని ఖండిస్తూ.. దళితులపై జరిగిన ఘటనకు న్యాయం చేయాలని వారు కోరుతున్నారు.