నవరాత్రికి ముందు రోజే సూర్యగ్రహణం.. ఈ గ్రహణం ఎక్కడ కనిపిస్తుందో తెలుసా..

దిశ, ఫీచర్స్ : ప్రతి ఏడాది ప్రపంచవ్యాప్తంగా సూర్యగ్రహణాలు, చంద్రగ్రహణాలు ఏర్పడుతూనే ఉంటాయి. అలాగే ఈ ఏడాది కూడా హోలీ రోజున మొదటి చంద్రగ్రహణం ఏర్పడింది. అయితే ఈ గ్రహణం భారతదేశంలో కనిపించకపోవడంతో గ్రహణ నియమాలు పాటించలేదు. అలాగే ఈ ఏడాది తొలి సూర్యగ్రహణం కొద్ది రోజుల్లోనే ఏర్పడబోతోంది. చైత్ర నవరాత్రులకు ముందు ఈ సూర్యగ్రహణం ఏర్పడుతుంది. జ్యోతిషశాస్త్రపరంగా, మతపరంగా, గ్రహణాన్ని ఎంతో ముఖ్యమైనదిగా భావిస్తారు. అంతే కాదు గ్రహణాలను, ఏర్పడే సమయాలను అశుభకరంగా పరిగణిస్తారు. అయితే ఈ ఏడాది ఏర్పడే మొదటి సూర్యగ్రహణం ఎప్పుడుంది, అది ఏ దేశంలో కనిపిస్తుంది అన్న విషయాలు చాలామందికి తెలిసి ఉండదు. మరి ఆ వివరాలేంటో ఇప్పుడు తెలుసుకుందాం.

ఏప్రిల్ 2024 సూర్యగ్రహణం ఎప్పుడు సంభవిస్తుంది ?

ఈ ఏడాది ఏప్రిల్ 8, 9 తేదీల మధ్య రాత్రి మొదటి సూర్యగ్రహణం ఏర్పడనుంది. ఏప్రిల్ 8వ తేది రాత్రి 9:12 గంటలకు ప్రారంభమైన సూర్యగ్రహణం మధ్యాహ్నం 2:22 గంటల వరకు కనిపిస్తుంది. సూతకాలం గ్రహణం ఏర్పడే 12 గంటల ముందు మొదలవుతుంది. ఈ ఏడాది వచ్చిన చంద్రగ్రహణం లాగే సూర్యగ్రహణం కూడా భారత్ లో కనిపించదు. అందుకే ఇక్కడ గ్రహణ నియమాలు పాటించాల్సిన అవసరం లేదంటున్నారు పండితులు.

ఏప్రిల్‌లో సూర్యగ్రహణం ఏ దేవాల్లో కనిపిస్తుంది ?

క్యూబా, డొమినికా, కొలంబియా, కోస్టారికా, అరుబా, బెర్ముడా, రష్యా, ప్యూర్టో రికో, కెనడా, మెక్సికో, యునైటెడ్ స్టేట్స్, గ్రీన్‌లాండ్, ఐర్లాండ్, పనామా, నికరాగ్వా, కరేబియన్ నెదర్లాండ్స్, ఐస్‌లాండ్, నార్వే, జమైకా, సెయింట్ మార్టిన్ స్పెయిన్‌తో సహా ప్రపంచంలోని అనేక దేశాల్లో 2024లో వచ్చే మొదటి సూర్యగ్రహణం కనిపిస్తుందని చెబుతున్నారు.