నార్త్ ఢిల్లీలో పాఠశాలలు బంద్

దిశ, వెబ్‌డెస్క్ : ఉత్తర ఢిల్లీలో మంగళవారం ప్రభుత్వ, ప్రైవేటు పాఠశాలలు మూసే ఉండనున్నాయి. ఉత్తర ఢిల్లీ జిల్లాలో సీఏఏ వ్యతిరేకులు, సమర్థకుల మధ్య చోటుచేసుకున్న ఉద్రక్తతలు హింసాత్మకంగా మారిన విషయం తెలిసిందే. నిరసనకారులు.. వాహనాలు, దుకాణాలకు నిప్పంటించారు. ఇరుపక్షాలు పరస్పరం రాళ్లు రువ్వుకున్నాయి. ఈ నేపథ్యంలోనే ఉత్తర ఢిల్లీలో మంగళవారం.. ప్రభుత్వ ప్రైవేట్ స్కూల్స్ మూసే ఉంటాయని ఉపముఖ్యమంత్రి మనీష్ సిసోడియా ప్రకటించారు. అలాగే, ఈ ఏరియాలోని పాఠశాలల్లో పరీక్షలను వాయిదా వేయడంపైనా కేంద్ర మానవ వనరుల అభివృద్ధి శాఖ మంత్రి రమేష్ పొఖ్రియాల్‌తో మాట్లాడినట్టు వివరించారు.