తీవ్ర విషాదం.. బట్టలు ఆరేస్తుండగా ఇద్దరు దుర్మరణం

దిశ, వెబ్‌డెస్క్: ఉతికిన బట్టలు ఆరేస్తుండగా.. కరెంట్ షాక్ తగిలి ఇద్దరు మృతి చెందారు. ఈ విషాద సంఘటన మెదక్ జిల్లా ఉసిరిక పల్లి లో చోటు చేసుకుంది. వివరాల్లోకి వెలితే.. గ్రామానికి చెందిన నీరుడు మణెమ్మ ఉదయం 7 గంటల ప్రాంతంలో ఇంటి ముందు ఉన్న దండం పై బట్టలు ఆరేస్తుండగా దండానికి కరెంట్ పాస్ అవడం తో మణెమ్మ కు కరెంట్ షాక్ తగిలింది . పెద్దమ్మకు కరెంట్ షాక్ తగిలిందని కాపాడేందుకు వెళ్లిన నీరుడి భానుప్రసాద్ కు కరెంట్ షాక్ తగిలి ఇద్దరు అక్కడికక్కడే మృతి చెందారు. ఇది గమనించిన మరోకరు వారిని కాపాడేందుకు ప్రయత్నించా.. అతనికి కూడా గాయాలయ్యాయి. కాగా కరెంట్ షాక్ ప్రమాదంలో మొదటి ఇద్దరు అక్కడికక్కడే మృతి చెందినట్లు స్థానికులు తెలిపారు. ఈ సమాచారం అందుకున్న పోలీసులు సంఘటనా స్థలానికి చేరుకుని గాయపడిన వ్యక్తిని స్థానిక ఆస్పత్రికి తరలించి చికిత్స అందిస్తున్నామని తెలిపారు.