ఆటోలో రెండు తులాల బంగారం చోరీ...
దిశ, మందమర్రి : బెల్లంపల్లి పట్టణంలో రెండు తులాల బంగారాన్ని కొనుగోలు చేసి తిరిగి మందమర్రికి ఆటోలో సోమవారం వస్తుండగా తన హ్యాండ్ బ్యాగ్ లోని రెండు తులాల బంగారం, 4000 నగదు, మట్టెలు దొంగిలించారని ఊరు మందమర్రికి చెందిన పెంట మంజుల తెలిపారు. సోమవారం ఉదయం తల్లిసత్తార్ తో కలిసి బెల్లంపల్లి పట్టణంలోని బంగారం వ్యాపారి హరికిషన్ దుకాణంలో రెండు తులాల బంగారం విలువ రూ.1,25,000 కొనుగోలు చేసినట్లు ఆమె తెలిపారు.
తిరిగి ఆటోలో మందమర్రికి వస్తుండగా డ్రైవర్ ఎవరికో ఫోన్ చేసి నేను వస్తున్నాను మీరు సిద్ధంగా ఉండని చెప్పాడని అన్నారు. నలుగురు స్త్రీలు బెల్లంపల్లి రైల్వే స్టేషన్ దగ్గర ఎక్కారని తెలిపారు. మందమర్రి బస్టాండ్ లో ఆటో దిగి బ్యాగులో బంగారాన్ని చూడగా తన బ్యాగు తెరిచి ఉండి అందులో నగదు, బంగారం, వెండి, కొనుగోలు పత్రంతో సహా మాయమైనట్లు ఆమె రోదిస్తూ తెలిపారు. కాగా ఈ విషయంపై స్థానిక పోలీస్ స్టేషన్ లో ఫిర్యాదు చేస్తున్నట్లు మంజుల స్పష్టం చేశారు.
