తొమ్మిది కేజీల గంజాయి పట్టివేత

దిశ, టేకులపల్లి : గంజాయిని మోటార్ సైకిల్ మీద తరలిస్తుండగా కారుకొండ క్రాస్ రోడ్ వద్ద పోలీసులు పట్టుకున్నారు. ఈ సంఘటన గురువారం సాయంత్రం చోటు చేసుకుంది. టేకులపల్లి ఎస్సై పోగుల సురేష్ తెలిపిన వివరాల ప్రకారం విశ్వసనీయ సమాచారం మేరకు కారుకొండ క్రాస్​ రోడ్డు వద్ద వాహన తనిఖీ నిర్వహిస్తున్న వారికి ద్విచక్ర వాహనంపై తిరుమలగిరి, కొడకండ్లకి చెందిన ఉదయ్ కిరణ్, కోమటి భాస్కర్ అనే ఇద్దరు వ్యక్తులను 9 కిలోల గంజాయితో సహా పట్టుకొని విచారించగా డొంకరాయి నుంచి కొడకండ్లకి గంజాయి తరలిస్తున్నామని నిందితుడు తెలిపారు. వారిపై కేసు నమోదు చేసినట్లు చెప్పారు.