శబరిమల అయ్యప్ప స్వామి ఆలయంలో చోరీ

దిశ, వెబ్​డెస్క్​ : శబరిమల అయ్యప్ప స్వామి ఆలయంలో చోరీ జరిగింది. ఓ భక్తుడు కానుకగా ఇచ్చిన బంగారు నగను ఉద్యోగి కాజేశాడు. మాస పూజల కోసం ఈ నెల 15న సాయంత్రం ఆలయం తెరిచారు. ఓ భక్తుడు స్వామివారికి 10.95 గ్రాముల బంగారు బ్రాస్‌లెట్‌ను సమర్పించాడు. ఈ నగ హుండీలో వేయగా కన్వేర్ బెల్టు ద్వారా హుండీ వద్దకు వస్తున్న క్రమంలో రెజీ కుమార్ అనే ఉద్యోగి దానిని పక్కకు నెట్టి అక్కడ ఉన్న చెత్తలో పడేలా చేశాడు.

అనంతరం దానిని తీసుకుని తన జేబులో వేసుకున్నాడు. ఈ తతంగం అంతా అక్కడ సీసీటీవీలో రికార్డయ్యింది. దీంతో రెజి కుమార్ ఉన్న గదిని తనిఖీ చేయగా దిండు కింద లభ్యమైంది. తక్షణమే స్పందించిన విజిలెన్స్ అధికారి ఆ ఉద్యోగిపై కేసు నమోదుచేసి పోలీసులకు అప్పగించారు. కాగా మంగళవారం రాత్రి ఆలయాన్ని మూసివేయనున్నారు.