జాతీయ రహదారి పై దారి దోపిడీ కలకలం.. ఏం దోచుకెళ్లారో తెలుసా..

దిశ ప్రతినిధి, నిజామాబాద్ : మహారాష్ట్ర నుండి హైదరాబాద్ కు హల్దీరాం ప్యాకేట్స్ లోడ్ తో వెళ్తున్న భారీ కంటైనర్ ను నిర్మల్ జిల్లా ఇచ్చోడ వద్ద రోడ్ కు అడ్డంగా కార్ పెట్టి ఆపిన దుండగులు నిజామాబాద్ జిల్లాలో ఖాళీ చేసుకుపోయారు. ఈ సంఘటన సోమవారం రాత్రి జరిగింది. డ్రైవర్ కు గన్ ఎక్కుపెట్టి, కళ్లకు గంతలు కట్టి కంటైనర్ లోని లోడ్ ను జాతీయ రహదారి వెంట వస్తూ బాల్కొండ మండలం శ్రీరాంపూర్ వద్ద లోడ్ ను ఖాళీ చేశారు.

డ్రైవర్ ప్రఫుల్ ను కత్తితో పొడిచి పారిపోయారు. డ్రైవర్ ప్రఫుల్ కు తీవ్ర గాయాలు కావడంతో ఆర్మూర్ ఏరియా ఆసుపత్రికి తరలించారు. దొంగల ముఠాలో 7 గురు ఉన్నట్లు కంటైనర్ డ్రైవర్ ప్రఫుల్ చెబుతున్నారు. ఇది ఖచ్చితంగా యూపీ దొంగలు ముఠా పనే అని అనుమానిస్తున్నారు పోలిసులు. బాల్కొండ పోలీసులు కేసు నమోదు చేసి దర్యాప్తు చేస్తున్నట్టు తెలిపారు.