రోడ్డు ప్రమాదంలో వ్యక్తి మృతి..

దిశ, సంగెం: సంగెం మండలం ఆశాలపల్లి గ్రామానికి చెందిన జనగాం ప్రభాస్ రోడ్డు ప్రమాదంలో మృతి చెందడం జరిగింది. వివరాల్లోకి వెళితే మృతుడు శనివారం ఎల్గూర్ రంగంపేట లో ఉన్న తన అక్కయ్య వాళ్ళ ఇంటికి వెళ్లి సాయంత్రం తిరిగి తన ఇంటికి వెళ్తుండగా సంగెం మండల కేంద్రంలోని గురుకుల పాఠశాల దగ్గర అడ్డుగా వచ్చిన కుక్కను తప్పించబోయి ప్రమాదవశాత్తు చెట్టును ఢీకొనడంతో తలకు బలమైన దెబ్బ తగిలింది. ఇది గమనించిన స్థానికులు 108 కి ఫోన్ చేసి అంబులెన్స్ లో ఎంజీఎం కు తరలించారు. చికిత్స పొందుతూ సోమవారం రాత్రి 10:37 నిమిషాలకు చనిపోయాడని డాక్టర్లు నిర్ధారించారు. నా కుమారుడి మరణం పై ఎలాంటి అనుమానం లేదని మృతుడి తండ్రి జనగాం ప్రవీణ్ కుమార్ ఫిర్యాదులో పేర్కొన్నట్లు ఎస్సై నరేష్ కుమార్ తెలిపారు.