నిన్న గృహప్రవేశం.. నేడు అగ్నిప్రమాదం..

దిశ, గండిపేట : మణికొండ మున్సిపాలిటిలో అగ్ని ప్రమాదం కలకలం రేపింది. నిత్యం మున్సిపాలిటీ పరిధిలో ఏదో ఒకచోట అగ్ని ప్రమాదాలు చోటు చేసుకోవడం స్థానికంగా అందరినీ భయాందోళనకు గురిచేస్తోంది. పూర్తి వివరాల ప్రకారం మణికొండ ఈఐపీఎల్ అపార్ట్ మెంట్ 9వ అంతస్తులో ఒక్కసారిగా మంటలు అంటుకున్నాయి. నూతనంగా గృహప్రవేశం చేశారు.

ఈ సందర్భంలో దేవుని రూమ్ లో దీపాన్ని వెలిగించడంతో ఆ దీపం వస్త్రాలకు అంటుకుంది. దీంతో అపార్ట్మెంట్ వాసులు మంటలను చూసి భయాందోళనకు గురై పరుగులు పెట్టారు. స్థానికులు పోలీసులకు సమాచారం ఇవ్వడంతో సంఘటనా స్థలానికి చేరుకున్న పోలీసులు, అగ్నిమాపక సిబ్బంది సహకారంతో మాటలను ఆర్పుతున్నారు. ఈ మేరకు కేసునమోదు చేసుకున్న పోలీసులు దర్యాప్తు చేస్తున్నారు.