లైంగిక కోరిక తీర్చకుంటే చంపేస్తా..! మహిళా వీఆర్ఏకు వేధింపులు..

దిశ, నల్లబెల్లి: ఓ మహిళ వీఆర్ఏను తోటి వీఆర్ఏ తన లైంగిక కోరిక తీర్చకుంటే నిన్ను, నీ పిల్లలను చంపేస్తానంటూ వేధింపులకు పాల్పడుతున్న సంఘటన ఆలస్యంగా వెలుగులోకి వచ్చింది. నల్లబెల్లి ఎస్ఐ అజ్మీర సురేష్ నాయక్ తెలిపిన వివరాల ప్రకారం.. నల్లబెల్లి మండలంలోని నారక్కపేట గ్రామ వీఆర్ఏగా మేకల రాజు పని చేస్తున్నాడు.

ఇదిలా ఉండగా గత కొంత కాలంగా రామతీర్థం మహిళా వీఆర్ఏను తన లైంగిక కోరిక తీర్చాలని వేధిస్తున్నట్లు సమాచారం. లైంగిక కోరిక తీర్చని పక్షంలో పిల్లలను హతమారుస్తానని బెదిరింపులకు పాల్పడుతున్నట్లు బాధితురాలు ఆరోపిస్తోంది. నల్లబెల్లి పోలీస్ స్టేషన్ లో శనివారం రాత్రి ఫిర్యాదు చేసింది. ఈ మేరకు పోలీసులు కేసు నమోదు చేసుకొని దర్యాప్తు చేస్తున్నారు.