రోడ్డు ప్రమాదంలో ప్రభుత్వ ఉపాధ్యాయుడు మృతి..

దిశ, చేర్యాల : విధులకు హాజరవడానికి బైక్ పై వెళుతుండగా రోడ్డు పై కోతి అడ్డు రావడంతో ప్రభుత్వ ఉపాధ్యాయుడు మృతి చెందిన సంఘటన చేర్యాల పట్టణ శివారులోని బండపల్లి క్రాసింగ్ వద్ద గురువారం చోటు చేసుకుంది. స్థానికులు తెలిపిన వివరాల ప్రకారం చేర్యాల మండలం వేచరేణి గ్రామానికి చెందిన పర్పాటకం ధర్మారెడ్డి (49) మండల పరిధిలోని చుంచనకోట ప్రభుత్వ పాఠశాలలో ఉపాధ్యాయుడుగా పనిచేస్తున్నాడు. ధర్మారెడ్డి బైక్ పై విధులకు హాజరావడానికి వెళుతుండగా కోతి అడ్డు రావడంతో వాహనం అదుపు తప్పి ఉపాధ్యాయుడు అక్కడికక్కడే మృతి చెందాడు. కాగా మృతునికి భార్య, ఇద్దరు పిల్లలు ఉండగా భార్య శకుంతల మద్దూరు మండలం మోడల్ స్కూల్ ఇంచార్జీ ప్రిన్సిపాల్ గా విధులు నిర్వహిస్తున్నారు.