Crime: గోపాలపట్నంలో విషాదం.. యువతి అనుమానాస్పద మృతి

దిశ, వెబ్‌డెస్క్: ఓ యువతి అనుమానాస్పదంగా మరణించిన ఘటన గోపాలపట్నంలో చోటు చేసుకుంది. స్థానిక నాగేంద్ర కాలనీలో అన్న, వదినలతో నివశిస్తున్న భాగ్యశ్రీ అనే యువతి రాత్రి మృతి చెందింది. అయితే ఈ విషయాన్ని ఎవరికీ చెప్పకుండా ఆమె అన్న, వదిన గుట్టు చప్పుడు కాకుండా యువతి మృతదేహాన్ని ఆటోలో తీసుకెళ్లి అంత్యక్రియలు చేసి వచ్చారు. ఇక ఈ ఘటనపై అనుమానం వ్యక్తం చేస్తున్న స్థానికులు పోలీసులకు సమాచారం ఇచ్చారు. దీంతో రంగంలోకి దిగిన పోలీసులు.. అనుమానాస్పద మృతిగా కేసు నమోదు చేసి దర్యాప్తు చేస్తున్నారు.