హత్య కేసులో నిందితుడికి జీవిత ఖైదు

దిశ, జగిత్యాల టౌన్ : హత్య కేసులో నిందితుడికి జీవిత ఖైదు విధిస్తూ కోర్టు తీర్పు చెప్పింది. వివరాల్లోకి వెళితే జగిత్యాల జిల్లా ఇబ్రహీంపట్నం పోలీస్ స్టేషన్ పరిధిలో బార్లపాటి రాజేశ్వర్, పల్లె పోశెట్టి కి మధ్యలో పాత కక్షలు ఉండేవి. ఈ నేపథ్యంలో పల్లె పోశెట్టి బార్లపాటి రాజేశ్వర్ ను హత్య చేయగా కేసును విచారించిన న్యాయమూర్తి నీలిమ నిందితునికి జీవిత ఖైదు, 5000 రూపాయల జరిమానా విధించారు. ఈ కేసులో పీపీగా మల్లికార్జున్, ఇన్వెస్టిగేషన్ ఆఫీసర్, ఇన్స్పెక్టర్ శ్రీను, ఎస్ఐ వెంకట్రావు, కోర్ట్ కానిస్టేబుల్ రంజిత్, లైజనింగ్ కానిస్టేబుల్ కిరణ్ కుమార్ నిందితునికి శిక్ష పడడంలో కోర్టుకు సాక్ష్యాధారాలు అందించడంలో ముఖ్యపాత్ర వహించారు. వీరిని జిల్లా ఎస్పీ అశోక్ కుమార్ అభినందించారు.