పేరెంట్స్‌లో టెన్షన్.. స్కూల్‌లో ఇద్దరు విద్యార్ధులకు కరోనా

దిశ, వెబ్‌డెస్క్ : సెప్టెంబర్ 1వ తేదీ నుంచి తెలంగాణలోని పాఠశాలల్లో భౌతిక తరగతులు ప్రారంభమైన విషయం తెలిసిందే. ఈ క్రమంలో కరోనా కారణంగా స్టూడెంట్స్, వారి తల్లిదండ్రులు కొంత భయానికి లోనవుతున్నారు.

ఎక్కడ తమ పిల్లలు కరోనా బారినపడతారేమోనని తగు జాగ్రత్తలు తీసుకుంటున్నారు. కానీ, నిజామాబాద్ జిల్లాలో కరోనా కలకలం సృష్టించింది. శుక్రవారం జిల్లాలోని ఏర్గట్ల మండలం తాళ్లరాంపూర్‌లో ఓ పాఠశాలలో ఇద్దరు విద్యార్ధులకు కరోనా పాజిటివ్‌గా తేలింది. దీంతో పాఠశాలకు వచ్చిన విద్యార్ధులు భయాందోళనకు గురవుతున్నారు. ఈ క్రమంలో విద్యార్థుల పేరెంట్స్‌ టెన్షన్‌ పడుతున్నారు.