కాలేజీలు తెరవం : ఇంటర్ బోర్డు

దిశ, వెబ్ డెస్క్: కాలేజీలు తెరవాలన్న నిర్ణయాన్ని తాము ఉపసంహరించుకున్నట్లు శుక్రవారం ఇంటర్ బోర్డు ప్రకటించింది. ఈనెల 17నుంచి కాలేజీలు తెరవనున్నట్టు మొదట ప్రకటించిన బోర్డు, ఆ నిర్ణయాన్ని విరమించుకున్నట్లు వెల్లడించింది. మళ్లీ కాలేజీలు ఎప్పుడు తెరుస్తామనే నిర్ణయాన్ని ఇంకా తీసుకోలేదని.. త్వరలోనే అందుకు సంబంధించి నిర్ణయాన్ని తెలుపుతామని మరో ప్రకటనలో ఇంటర్ బోర్డు పేర్కొన్నది.

దీనికి సంబంధించి అన్ని జిల్లాలకు చెందిన డీఈవోలకు బోర్డు ఆదేశాలు జారీ చేసింది. కాగా, రాష్ట్రంలో కరోనా కేసులు పెరుగుతుండంతో ఈ మేరకు బోర్డు తన నిర్ణయం మార్చుకున్నదని పలువురు చెబుతున్నారు.