వరుణుడి దెబ్బ: జగన్ పర్యటన వాయిదా

దిశ, ఏపీ బ్యూరో: ఏపీ సీఎం వైఎస్ జగన్ పోలవరం పర్యటన వాయిదా పడింది. వర్షాల నేపథ్యంలో పర్యటన రద్దైంది. బుధవారం పోలవరం ప్రాజెక్టు పనులను పరిశీలించాలని సీఎం జగన్ నిర్ణయించారు. అందుకు అన్ని ఏర్పాట్లు పూర్తి చేశారు. పోలవరం ప్రాజెక్టు పనుల పరిశీలన తర్వాత అధికారులతో సమీక్ష సమావేశం కూడా నిర్వహించాలని భావించారు. ప్రాజెక్టు పనులను వేగవంతం చేయడానికి తీసుకోవాల్సిన చర్యలపై అధికారులకు దిశానిర్దేశం చేయాలనుకున్నారు. అయితే వర్షాల నేపథ్యంలో సీఎం జగన్ పర్యటన వాయిదా పడినట్లు సీఎంవో మంగళవారం ఓ ప్రకటనలో తెలిపింది. తిరిగి ఎప్పుడు పోలవరం వెళ్లాలనేది త్వరలోనే వివరాలు వెల్లడిస్తామని పేర్కొన్నది.