ఇంట్రెస్టింగ్ క్యాప్షన్‌తో ఆ ఫొటోలు షేర్ చేసిన జాన్వీ కపూర్.. నెట్టింట ఆకట్టుకుంటున్న పోస్ట్
దిశ, సినిమా: అతిలోక సుందరి తనయురాలు, బాలీవుడ్ బ్యూటీ జాన్వీ కపూర్(Janhvi Kapoor) గురించి ప్రత్యేకంగా చెప్పాల్సిన పనిలేదు. మత్తెక్కించే కళ్ళతో మెస్మరైజ్ చేస్తున్న ఈ భామ రీసెంట్‌గా యంగ్ టైగర్ ఎన్టీఆర్(NTR) సరసన ‘దేవర’(Devara) మూవీలో నటించి మెప్పించింది. ఈ సినిమాతోనే ఈ అమ్మడు తెలుగు ప్రేక్షకులకు పరిచయం అయింది. ఇక ఈ చిత్రం బాక్సాఫీస్ దగ్గర కలెక్షన్ల పరంగా భారీగా వసూలు చేసిన సంగతి తెలిసిందే.
ప్రస్తుతం ఈ ముద్దుగుమ్మ గ్లోబల్ స్టార్ రామ్ చరణ్ సరసన ‘RC-16 మూవీలో’ నటిస్తోంది. దీనిని డైరెక్టర్ బుచ్చిబాబు సనా తెరకెక్కిస్తున్నారు. అలాగే నిత్యం సోషల్ మీడియాలో యాక్టీవ్‌గా ఉంటూ లేటెస్ట్ ఫొటోలతో, తన వ్యక్తిగత విషయాలను పంచుకుంటూ అభిమానులకు దగ్గరవుతూ ఉంటుంది. ఈ క్రమంలో ఈ బ్యూటీ పోస్ట్ నెట్టింట చక్కర్లు కొడుతోంది.
తాజాగా జాన్వీ కపూర్ ఇన్‌స్టా వేదికగా ఓ పోస్ట్ పెట్టింది. అందులో వైట్ శారీ కట్టుకుని వివిధ భంగిమల్లో ఫొటోస్‌కి స్టిల్ ఇచ్చింది. ఇక వాటికి..‘సుందరి తన సహజ ఆవాసంలో’ అనే క్యాప్షన్ రాసుకొచ్చింది. దీంతో ఈ ఫొటోలు కాస్తా నెట్టింట వైరల్‌గా మారాయి. ఇక వాటిని చూసిన నెటిజన్లు రకరకాలుగా స్పందిస్తున్నారు. కాగా జాన్వీ ‘పరమ్ సుందరి’(Param Sundari) అనే మూవీలో నటిస్తున్న సంగతి తెలిసిందే. లవ్ స్టోరీ బ్యాక్ డ్రాప్‌లో తెరకెక్కతున్న ఈ చిత్రంలో బాలీవుడ్ స్టార్ హీరో సిద్ధార్థ్ మల్హోత్రా(Sidharth Malhotra) హీరోగా నటిస్తున్నారు. ఇక ఆ సినిమా ప్రమోషన్లలో భాగంగానే ఆ బ్యూటీ ఈ ఫొటోస్ షేర్ చేసినట్లు తెలుస్తోంది.
