Karthi : హీరో కార్తీకి ప్రమాదం

దిశ, వెబ్ డెస్క్ : తమిళ స్టార్ హీరో కార్తీ(Actor Karthi)కి షూటింగ్ లో ప్రమాదం జరిగింది. కార్తీ తాజా చిత్రం సర్దార్-2 (Sardar-2) చిత్రీకరణ మైసూర్ లో జరుగుతోంది. ఈ సినిమాలోని పలు కీలక ఛేజింగ్ సన్నివేశాలు ఘాట్ చేస్తుండగా.. కార్తీ కాలికి గాయం అయింది. నడవలేని స్థితిలో ఉన్న కార్తీని వెంటనే చిత్ర బృందం ఆసుపత్రికి తరలించి చికిత్స అందించారు. చికిత్స అనంతరం 2 వారాల విశ్రాంతి అవసరం అని వైద్యులు సూచించారు. దీంతో ఆయన చెన్నై వెళ్లిపోగా ప్రస్తుతం షూటింగ్ ఆగిపోయింది. పీఎస్ మిత్రన్(PS Mitran) డైరెక్షన్ లో స్పై, యాక్షన్ థ్రిల్లర్ గా వస్తున్న ఈ సినిమాలో కార్తీ డ్యూయెల్ రోల్ చేస్తున్నాడు. మాళవికా మోహన్(Malavika Mohan), ఆషికా రంగనాథ్(Ashika Ranganath), ఎస్జే సూర్య(SJ Surya)లు ప్రధాన పత్రాలు పోషిస్తున్నారు. కాగా కార్తీకి ప్రమాదం జరిగిందన్న విషయం బయటికి తెలియడంతో ఆయన అభిమానులు ఆందోళన చెందారు. చెన్నైలోని ఆయన ఆఫీసుకు వందలాది మంది ఫోన్లు చేసి, కార్తీ క్షేమ సమాచారం కనుక్కున్నారు.