Redmi A4 5G: రూ. 8,999 ధరతో భారత మార్కెట్లో రెడ్‌మీ ఫోన్‌ లాంచ్.. ధర, స్పెసిఫికేషన్స్ వివరాలు ఇవే..!

దిశ, వెబ్‌డెస్క్: చైనా(China)కు చెందిన ప్రముఖ స్మార్ట్‌ఫోన్‌ తయారీ సంస్థ, షావోమీ(Xiaomi) సబ్ బ్రాండ్ రెడ్‌మీ(Redmi) కొత్త మొబైల్(New Mobile)ను లాంచ్ చేసింది. రెడ్‌మీ ఏ4 5జీ(Redmi A4 5G) పేరుతో ఈ కొత్త ఫోన్‌ను భారత మార్కెట్లో విడుదల చేసింది. 4 జీబీ+64 జీబీ వేరియంట్ ధర రూ. 8,999గా, 4 జీబీ+128 జీబీ వేరియంట్ ధర రూ. 9,499గా కంపెనీ నిర్ణయించింది. బ్లాక్‌(Black), పర్పుల్(Purple) కలర్స్ లో ఈ ఫోన్‌ లభిస్తుంది. ఈ ఫోన్ కు సంబంధించిన ఫస్ట్ సేల్‌ నవంబర్ 27న ప్రారంభం కానుంది. అమెజాన్(Amazon), ఎంఐ(Mi) వెబ్‌సైట్లలో ఈ ఫోన్ కొనుగోలుకు అందుబాటులో ఉంటుంది.

రెడ్‌మీ ఏ4 5జీ స్పెసిఫికేషన్స్ ..

• 6.88 అంగుళాల ఫుల్‌ హెచ్‌డీ డిస్‌ప్లే
• క్వాల్ కామ్ స్నాప్‌డ్రాన్‌ 4ఎస్‌ జెన్‌2 ప్రాసెసర్‌తో ఈ ఫోన్ పనిచేస్తుంది.
• 120 HZ రిఫ్రెష్‌ రేట్, ఐపీ52 రేటింగ్ తో ఈ ఫోన్ వస్తోంది.
• ఈ ఫోన్‌లో 3.5 mm ఆడియో జాక్‌ ఉంది.
• బ్యాక్ సైడ్ 50 మెగా పిక్సల్ కెమెరాతో పాటు సెల్ఫీల కోసం 5 మెగా పిక్సల్ ఫ్రంట్ కెమెరాను అమర్చారు.
• 18 వాట్స్‌ ఫాస్ట్‌ ఛార్జింగ్‌ సపోర్టుతో 5160mah బ్యాటరీని అందించారు. ఫోన్ తో పాటు 33W అడాప్టర్ ను ఫ్రీగా ఇస్తున్నారు.