2 రోజుల్లో Paytm కి కోట్లలో నష్టం.. దివాళా తీసిన పెట్టుబడిదారులు..

దిశ, ఫీచర్స్ : RBI తీసుకున్న నిర్ణయం తర్వాత Paytm షేర్లు వరుసగా రెండో రోజు క్షీణించాయి. కంపెనీ షేర్లు అతలాకుతలం అయ్యి రెండు రోజుల్లో కంపెనీ ఇన్వెస్టర్లు రూ.17 వేల కోట్లకు పైగా నష్టపోయారు. రాబోయే రోజుల్లో Paytm షేర్లు మరింత క్షీణించవచ్చని నిపుణుల అభిప్రాయపడుతున్నారు. RBI Paytm పేమెంట్ బ్యాంకును నిషేధించింది. గత రెండు ట్రేడింగ్ రోజులుగా స్టాక్ మార్కెట్‌లోని Paytm షేర్లలో దీని ప్రభావం కనిపిస్తుంది. మరోవైపు స్టాక్ మార్కెట్‌లో విపరీతమైన వృద్ధి కనిపిస్తోంది. సెన్సెక్స్‌లో 1200 పాయింట్లకు పైగా పెరుగుదల కనిపిస్తోంది. Paytm షేర్లు ఏ స్థాయికి చేరుకున్నాయో ఇప్పుడు తెలుసుకుందాం.

పేటీఎం స్టాక్ క్రాష్..

Paytm షేర్లు శుక్రవారం 20 శాతం పడిపోయాయి. ఫిబ్రవరి 29, 2024 తర్వాత ఏ కస్టమర్ ఖాతా, ప్రీపెయిడ్ ఇన్‌స్ట్రుమెంట్, వాలెట్, ఫాస్టాగ్‌లలో డిపాజిట్లు లేదా టాప్ - అప్‌లను అంగీకరించవద్దని భారతీయ రిజర్వ్ బ్యాంక్ (RBI) Paytm పేమెంట్స్ బ్యాంక్ లిమిటెడ్‌ని బుధవారం కోరింది. దీని తర్వాత కంపెనీ షేర్లు నిరంతరం పతనమవుతున్నాయి. బీఎస్‌ఈలో షేర్లు 20 శాతం క్షీణించి రూ.487.05కు చేరాయి. ఎన్‌ఎస్‌ఈలో 20 శాతం తగ్గి రూ.487.20కి చేరుకుంది. డేటా ప్రకారం, కంపెనీ షేర్లు ఒక రోజు ముందు కూడా 20 శాతం వరకు క్షీణించాయి. కంపెనీ షేర్లు రూ. 608.80 వద్ద ముగిశాయి. ఈ క్షీణత కారణంగా కంపెనీ షేర్లు 52 వారాల కనిష్ట స్థాయికి చేరుకున్నాయి.

రెండు రోజుల్లో రూ.17 వేల కోట్లకు పైగా నష్టం

కంపెనీ వాల్యుయేషన్ వివరాల్లోకెళితే రెండు రోజుల్లోనే భారీ నష్టం వాటిల్లింది. డేటా ప్రకారం, కంపెనీ మార్కెట్ క్యాప్ కూడా రూ.17,378.41 కోట్లు తగ్గి రూ.30,931.59 కోట్లకు చేరుకుంది. Paytmని నిర్వహిస్తున్న వన్97 కమ్యూనికేషన్స్ లిమిటెడ్, Paytm పేమెంట్స్ సర్వీసెస్ నోడల్ ఖాతాలను ఫిబ్రవరి 29 లోపు వీలైనంత త్వరగా మూసివేయాలని ఆర్‌బీఐ ఆర్డర్‌లో పేర్కొంది. One97 కమ్యూనికేషన్స్ Paytm పేమెంట్స్ బ్యాంక్ లిమిటెడ్‌లో 49 శాతం వాటాను కలిగి ఉంది.

స్టాక్ మార్కెట్‌లో భారీ పెరుగుదల..

మరోవైపు స్టాక్ మార్కెట్‌లో విపరీతమైన వృద్ధి కనిపిస్తోంది. డేటా ప్రకారం, బాంబే స్టాక్ ఎక్స్ఛేంజ్ ప్రధాన సూచీ సెన్సెక్స్ 1200 పాయింట్లకు పైగా పెరిగి 72,818.98 పాయింట్ల వద్ద ట్రేడవుతోంది. అయితే ట్రేడింగ్ సమయంలో సెన్సెక్స్ కూడా 73 వేల పాయింట్ల మార్కును దాటింది. ప్రస్తుతం సెన్సెక్స్ తన జీవితకాల గరిష్ఠ స్థాయికి దాదాపు 600 పాయింట్ల దూరంలో ఉంది. మరోవైపు నిఫ్టీ కూడా పుంజుకుంది. నేషనల్ స్టాక్ ఎక్చేంజ్ ప్రధాన సూచీ నిఫ్టీ 368 పాయింట్ల లాభంతో 22,065.45 పాయింట్లను దాటింది. అయితే నిఫ్టీ కూడా 22,126.80 పాయింట్లతో రోజు గరిష్ట స్థాయికి చేరుకుంది.